Svartur litur hefur lengi verið talinn tabú í barnaherbergi en þegar hann er notaður rétt og með hvítan lit í meirihluta getur hann komið mjög vel út. Ekki verra að bæta svo við litapalletuna einhverjum björtum og fallegum lit.

Ekki er nauðsynlegt að mála veggi svarta til að fá réttu stemninguna heldur er hægt að prófa sig áfram með t.d svörtu límbandi og búa til munstur á veggina eða byrja með hvítan grunn og setja inn svarta myndaramma, púða eða mottur.

Í þessu herbergi hefur verið notuð sérstök krítarmálning svo hægt sé að teikna skemmtilegar myndir á vegginn.
Bleikur litur passar sérstaklega vel með svörtum og hvítum.
Hér er sniðug lausn fyrir þá sem leggja ekki í að mála svart. Í staðinn er sett svört framhlið á Stuva einingu úr Ikea og svo notað svart límband til að gera útlínur húsa á vegginn.
Smart er að mála veggina bara til helminga og er það mjög mikið í tísku þessa dagana. Svo skemmir ekki fyrir að skápurinn er málaður svartur eins og veggirnir.
Ég myndi kalla þennan lit frekar koxgráan en svartan og er hann alltaf fallegur.
Hér er arinn málaður svartur sem gerir herbergið sannarlega glæsilegt.

Gott er að hafa í huga að svartur er ekki alltaf kolsvartur svo að ef þú ætlar þér að mála heima, hvort sem það er í barnaherbergi eða inní stofu, myndi ég mæla með að kaupa lit sem er NCS S 8500 –N. Hann er ekki eins harður eins og hreinn svartur litur og kemur alltaf vel út. Svo eru litir að mínu mati alltaf fallegri þegar þeir eru með eins lítinn gljáa og hægt er.

Pin It on Pinterest

Share This