Sumarið í ár getur orðið það besta hingað til, þetta fer allt eftir hugarfari. Krakkarnir eru ekki í skólanum og foreldrar meira í fríi og afslappaðri. Stundum verður samt of mikið af afslöppun og þú ráfar um íbúðina til að finna eitthvað að gera. Hvort sem veðrið er leiðinlegt eður ei, er þetta hægt að gera í sumar:
Að tjalda í garðinum
Enginn segir að þið þurfið að fara eitthvert út fyrir bæinn til að tjalda. Það er alveg hægt að gera það í garðinum heima! Þetta er stórkostlegt þegar þú átt lítil börn, því allir vita að það er oft mikið vesen að fara með þessi yngstu í tjaldferðalög. Þú getur sett tjaldið í bakgarðinn hjá þér eða einhverjum ættingjum, t.d. ef þið eigið ekki garð.
Fjölskyldubíó
Að hafa bíókvöld með allri fjölskyldunni er gaman. Finnið frábæra mynd, búið til góða eðlu eða bakið pizzur. Ef þið eigið myndvarpa er snilld að búa til „alvöru“ bíó heima. Setjið púða og teppi og gerið kvöldið eftirminnilegt.
Ferð í Nauthólsvík/fjöruferð
Það er alltaf gaman að fara á strönd, en við höfum ekki úr miklu að velja hér á Íslandi. Þessvegna er Nauthólsvíkin frábær fyrir þá sem búa á höfuðborgarsvæðinu, ef ekki þá er hægt að fara í skemmtilega fjöruferð. Takið með ykkur nesti, munið eftir sólarvörninni og lítill ferðahátalari getur búið til lítið „partý“.
Að læra eitthvað nýtt
Sumarið er frábær tími til að læra eitthvað nýtt fyrir alla fjölskylduna. Það þarf ekki að vera flókið, en væri hægt að finna námskeið sem allir eða flestir geta farið á. Farið í hestaferð eða í garðinn með nesti.
Farið í „road trip“
Að fara í bíltúr getur verið spennandi fyrir alla. Þið getið farið yfir daginn eða gist einhversstaðar. Ef þið hafið mjög ung börn er kannski betra að gista yfir nótt þar sem þau hafa litla þolinmæði að vera lengi í bíl. Hægt er að keyra svo styttri vegalengdir yfir daginn. Burtséð frá hvar þið búið er alltaf hægt að finna fallega staði. Takið með gott og hollt nesti og leikið leiki í bílnum.
Lautarferð
Ef eitthvað er hægt að gera á sumrin er lautarferð ekta sumar. Finnið lystigarð sem er fallegur, þið getið fundið á netinu hvar næsti garður er og takið með uppáhaldsnesti allra.
Útileikir
Það er ýmislegt hægt að gera skemmtilegt úti og öll fjölskyldan getur verið með. Kaupið krikket, blaknet og -bolta, körfubolta eða eitthvað annað. Einnig er hægt að fara í fjallgöngur, að veiða, hjóla, bjargsig, sigla. Listinn er endalaus og æðislegt fyrir alla að komast aðeins út og gera eitthvað skemmtilegt!
Í þessu myndbandi er sýnt hvernig mæla á hita barnsins, að gefa brjóst og hvort þörf sé á lækni. Fyrstu dagarnir þurfa ekki að vera mjög erfiðir, foreldrar geta verið vel undirbúnir!
Það getur munað allt að ári á börnum að tileinka sér nýja aðferð, þannig ekki hafa áhyggjur ef þér finnst barnið seint að taka við sér. Einnig fer það eftir persónuleika barnsins og fleiru.
Lykilinn hér (eins og svo oft áður) er þolinmæði, en einnig er skynsamlegt að bíða þar til barnið er raunverulega tilbúið. Stelpur virðast vera örlítið fljótari að tileinka sér nýjar reglur varðandi þvaglát og hægðir, en fúsleikinn er mun tengdari persónuleika en öðru. Hér er tekið tillit til kynja þegar þú telur barnið vera tilbúið að hætta að nota bleyju.
Strákar:
Láttu strákinn afklæða sig – strákar þurfa að læra þegar þeir þurfa að fara á klósettið að toga bæði buxur og nærbuxur niður. Byrjaðu snemma og passaðu að litli maðurinn eigi stuttbuxur eða buxur með teygju svo auðvelt sé fyrir hann að toga þær niður þegar náttúran kallar.
Byrjaðu sitjandi. Láttu hann sitja bæði til að pissa og kúka til að byrja með. Í augnablikinu er nógu erfitt bara að fara á klósettið eða koppinn, hvað þá að ákveða hvort sitja eigi eða standa.
Þegar hann er orðinn góður í þessu getur hann staðið, „alveg eins og pabbi“ ef þið óskið þess.
Miðaðu í rétta átt. Hvort sem hann situr eða stendur, sýndu syni þínum hvernig á að miða (þú gætir tekið pabbann í upprifjunarnámskeið í leiðinni.) Hann þarf að miða typpinu ofan í klósettið til að vera öruggur um að pissið fari þangað sem það á að fara. Ef hann stendur þegar hann pissar geturðu æft hann með því að setja seríós ofan í eða afrifinn klósettpappír svo hann getir æft sig að miða.
Ef hann kýs að pissa standanadi þarf hann að opna setuna alveg svo hún detti ekki ofan á hann og loka þegar hann er búinn. Ekki gleyma að sturta niður!
Stelpur:
Þær pissa og kúka auðvitað sitjandi þannig það er aðeins auðveldara en með stráka.
Leitaðu eftir merkjum að dóttir þín sé tilbúin að læra á klósettið. Þær þurfa að læra, rétt eins og strákarnir að toga þarf bæði nærbuxur og buxur (eða pils) niður að ökklum til að ekkert þvælist fyrir. Hnappar og rennilásar kunna að þvælast fyrir.
Kenndu dóttur þinni að þurrka frá framan til aftan til að breiða ekki út bakteríur. Ef það er erfitt að læra má „dúmpa“ þurrt.
Settu lítinn stól fyrir framan klósettið eða eitthvað til að fæturnir hvíli á. Stelpur eru oft tilbúnar að nota klósettið þegar þær eru orðnar nógu háar að ná á klósettið sjálfar.
Hvernig eru strákar og stelpur ólík að þessu leyti?
Strákar eiga oft í aðeins meiri vandræðum með að læra þessa nýju tækni en stelpur. Oft er það mamman sem kennir þeim, ekki pabbinn, þannig það eru færri tækifæri að sýna þeim nákvæmlega hvernig þetta er gert. Plús það að strákar þurfa að læra bæði að sitja og standa.
Læra stelpur hraðar en strákar að nota klósett?
Umfangsmiklar rannsóknir hafa sýnt að strákar læra yfirleitt sex mánuðum seinna en stelpur að læra að nota klósett. Sérfræðingar telja að það hafi eitthvað með þá staðreynd að gera að þeir eru virkari í leikskóla á þessum aldri og þeir vilja ekki stoppa til að fara á klósettið. Þeir segja þó einnig að persónuleiki og fúsleikinn til að læra hafi mikið að segja, meira heldur en bara kynið.
Þó þetta taki tíma og þolinmæði mun barnið læra þetta að lokum. Já, það kann að vera að strákurinn þinn sé seinni en stelpan þín, en svo kannski ekki. Hvort sem er mun þetta alltaf ganga!
Heimild: Whattoexpect.com
Allir foreldrar þekkja þetta: Smábarnið sýnir öll merki þess að vera dauðuppgefið og þarfnast svefns – það geispar, nuddar augun, rúllar um á gólfinu og brestur í grát í hvert skipti eitthvað smávægilegt gerist – en vill samt alls ekki leggja sig.
Skýringin kann að vera einföld, en hún er sú að barnið finnst allt of gaman að öllu í kringum það. Hið forvitna smábarn hefur margt að sjá og gera og það er hrætt um að leggi það sig muni það missa af einhverju.
Einnig, rétt eins og önnur smábörn, er barnið farið að skilja að það er ekki samvaxið þér, foreldrinu, þannig það vill vera sjálfstætt hvenær sem það getur. Að taka lúr getur verið leið til að ögra stjórninni.
Hvað skal gera?
Lækkaðu væntingaþröskuldinn. Sem yngra barn lagði barnið þitt sig kannski tvisvar, þrisvar á dag, en nú er það orðið að smábarni sem leggur sig einu sinni á dag.
Um 18 mánaða aldur mun barnið sennilega ekki leggja sig á morgnana. Þegar sá morgunlúr hverfur, reyndu að færa eftirmiðdagslúrinn fyrr, t.d. rétt eftir mat. Að bíða þar til seinna ýtir svefntímanum lengra fram á kvöldið, því barnið vill ekki sofa bara örfáum klukkustundum eftir að hafa vaknað eftir eftirmiðdagsblundinn.
Hafðu blundinn alltaf á sama tíma á hverjum degi. Eins og við höfum oft sagt – smábörn þurfa rútínu til að finna til öryggiskenndar. Ef barnið fer í gegnum sömu rútinu og stig á hverjum einasta degi veit það við hverju má búast og þú getur vonast eftir meiri samvinnu. Ef barnið les oftast þrjár bækur fyrir svefn til dæmis, ekki sleppa því jafnvel þó þú sért tímabundin/n.
Ef barnið er heima hjá þér skaltu láta það leggja sig á sama stað og það sefur á nóttunni. Ekki gefa eftir kröfur um að sofa á sófanum eða í rúminu þínu. Þetta hjálpar við að tengja eigið rúm við svefn og hjálpar barninu að ná sér niður fyrr.
Ef barnið er í leikskóla og leggur sig þar, reyndu að fylgja sömu rútínu á báðum stöðum. Ef barnið sefur með bangsa eða teppi, láttu það fylgja með í leikskólann. Ekki breyta svefntímanum um helgar.
Reyndu að láta barnið sofna sjálft á hverri nóttu. Um leið og það er komið upp í vana án þess að þú ruggir því eða syngir, verður það auðveldara fyrir það einnig á daginn.
Vertu ákveðin/n en róleg/ur. Þrátt fyrir að það sé pirrandi að barnið vilji ekki leggja sig máttu ekki láta það sjá að það hafi mikil áhrif á þig.
Ekki búa til stríð úr því að láta það leggja sig á daginn. Segðu barninu að það líti út fyrir að vera þreytt og það þurfi að hvíla sig og þú líka. Knúsaðu það og kysstu, búðu um það og farðu úr herberginu.
Ef barnið grætur, athugaðu með það og reyndu að hugga, en ekki leggjast við hlið þess. Ef þú gerir það verður það vant að sofna bara þegar þú ert þar, og þú ert einum vanda ríkari.
Ef barnið algerlega neitar að taka lúr, skildu það eftir með bækur og leikföng og segðu að það sé róleg stund. Þó barnið sé ekki jafn hvílt eins og eftir svefn, er mjög gott fyrir ykkur bæði að hafa klukkustund eða tvær án hávaðasams leiks og barnið nær upp orku.
Heimild: WebMd
