Að þróa skilningarvit barnsins í gegnum leik

Að þróa skilningarvit barnsins í gegnum leik

Að þróa skilningarvit barnsins í gegnum leik

Leiktími býður upp á frábær tækifæri til að hvetja þróun skilningarvita barnsins, s.s. með lykt, snertingu, heyrn, sjón og bragði. Þú getur jafnvel hjálpað barninu að nota þessi skilningarvit til að auka andlega og líkamlega heilsu þess.

Hversu oft ætti ég að hafa leiktíma með barninu mínu?

Ekki hafa áhyggjur af því að skipuleggja leiktíma með barninu á hverjum degi. Ef barnið sýnist rólegt og þú nærð augnsambandi við það, það hreyfir fætur og hendur og gefur frá sér hljóð er það mjög líklega tilbúið til að leika!

Þetta gerist oftar þegar barnið er satt og búið að hvíla sig. Með tímanum lærirðu að lesa í merkin sem barnið gefur frá sér en ekki hafa áhyggjur þó það gerist ekki strax, þið eruð enn að læra á hvort annað.

Hvaða leikir og athafnir geta aukið þroska barnsins míns?

Sjón

Þrátt fyrir að sjón nýburans sé óskýr umfram 30 cm eða svo getur barnið farið að læra á útlínur andlits þíns. Leyfðu barninu að velta andlitinu þínu fyrir sér í leiktíma. Að horfaáandlitssvipi þína og hvernig þeir breytast spilar stórt hlutverk í þróun félagsfærni barnsins. Milli tveggja og fjögurra mánaða fer barnið að mynda augnsamband við þig. Viðbrögð þín við litlu merkjunum sem barnið gefur frá sér lætur það auka skynjun þess á sjálfu sér og hjálpar ykkur tveimur að mynda tengsl.

Annað sem gerist á þessum fyrstu mánuðum er að höfuð og augnhreyfingar fara að vera í takt. Þetta ýtir undir að barnið sér hluti á hreyfingu og skilur hvernig þeir tengjast öðrum hlutum í kringum þá. Þú getur hjálpað barninu að þróa þennan hæfileika með því að færa leikfang hægt framhjá sjónsviði þess og hvetja það til að fylgjast með.

Leikir – nýfædd börn til þriggja mánaða

Snerting

Frá um fimm mánaða aldri getur barnið farið að teygja sig í hluti. Þú getur hvatt líkamlegan þroska þess með því að setja leikfang þar sem barnið sér það en getur ekki alveg náð því. Sjáðu hvernig það teygir sig, rúllar og mjakar sér í áttina að því. Að hengja hringlu eða álíka þar sem barnið getur sparkað í það kennir því einnig orsök og afleiðingu.

Heyrn

Þegar þú talar við barnið þitt, gefðu því tækifæri á að „svara“ svo sem með brosi, hlátri eða hljóðum. Þegar barnið svarar, svaraðu aftur. Þetta sýnir áhuga á því sem barnið „segir“ og hvetur málþroskann og skilning.

Að babla og hlæja með barninu er einnig gott fyrir þig. Þessi samskipti auka oxýtósínframleiðslu og býr til enn nánana samband milli barns og foreldris.

Hversu mikinn tíma á ég að taka í að einbeita mér að barninu?

Barnið getur ekki veitt einhverju einu athygli í einu eins og eldra barn eða fullorðinn. Barnið getur fljótt orðið þreytt á mikilli örvun. Lærðu að lesa í táknin sem segja að barnið sé orðið þreytt:

  • Nuddar augun
  • Lítur í aðra átt
  • Óróleiki, grátur
  • Reisir bakið
  • Lokar augunum eða sofnar

Þegar þú telur að barnið hafi fengið nóg skaltu gefa því pásu og taka leikföngin í burtu og taktu það í fangið eða syngdu fyrir það. Ef það virðist þreytt, settu það í rúmið

Ætti ég að fara á mömmu- eða barnahittinga?

Þú ert fyrsti leikfélagi barnsins þíns og það gefur því heilmikla örvun fyrstu mánuðina. Allt sem þið gerið saman – knúsist, grettið ykkur, talið, syngið, lesa sögur og skoðið ýmis leikföng og hluti – allt þetta veitir barninu þínu mikla örvun.

Eftir því sem barnið eldist gætirðu íhugað að fara þar sem þið hittið önnur börn. Þrátt fyrir að börn fari í raun ekki að leika við önnur börn fyrr en um eins og hálfs árs aldurinn getur slíkt samt haft sína kosti.

Ein rannsókn skoðaði sex mánaða börn sem fóru í tónlistartíma einu sinni í viku sem snerist um söngva og að leika á hljóðfæri. Þessi börn höfðu betri skilning á tónlist og þróuðu snemma með sér samskiptahæfileika, miðað við samanburðarhópinn, en þau börn hlustuðu einungis á tónlist á meðan þau léku sér með leikföng.

Að hittast með börnin getur verið frábær leið að hitta aðra foreldra og að finna framtíðarleikfélaga fyrir barnið þitt. Það er líka frábært að komast út úr húsi og skipta um umhverfi. Ef þú ert glaðari og hressari, ertu líka betri félagsskapur fyrir barnið þitt!

Heimild: Babycenter.com 

Sjö hlutir sem unglingar vildu óska þeir gætu sagt við foreldra sína: Myndband

Sjö hlutir sem unglingar vildu óska þeir gætu sagt við foreldra sína: Myndband

Sjö hlutir sem unglingar vildu óska þeir gætu sagt við foreldra sína: Myndband

Það er alls ekki auðvelt að vera unglingur…að breytast úr barni í fullorðinn einstakling og það erfiðasta er kannski samskiptin við foreldrana. Unglingar halda oft að foreldrarnir skilji þá ekki, en gleyma stundum að foreldrarnir voru líka unglingar einu sinni! (og flestum finnst það ekki einu sinni langt síðan)

Hér eru sjö atriði sem unglingar vildu óska þeir gætu rætt við foreldra sína um:

 

Harry Bretaprins viðurkenndi fyrir Ed Sheeran að það væri erfitt að eiga tvö börn 

Harry Bretaprins viðurkenndi fyrir Ed Sheeran að það væri erfitt að eiga tvö börn 

Harry Bretaprins viðurkenndi fyrir Ed Sheeran að það væri erfitt að eiga tvö börn 

Söngvarinn og Íslandsvinurinn Ed Sheeran hitti Harry Bretaprins á WellChilds verðlaunahátíðinni og sagði að það væri „virkilegt púsluspil“ að eiga tvö börn en sagði samt sem áður að Lilibet væri „mjög slök.“

Harry sagði að Archie væri á því skeiði núna að hann „hleypur um allt eins og brjálæðingur“ en segir nýfæddu dótturina vera afar afslappa. Hertoginn af Sussex (36) ljómaði þegar hann talaði um Lili, en hún fæddist þann 4. júní í Santa Barbara, Kaliforníuríki.

Sótti Harry verðlaunahátíðina ásamt Ed, sem einnig er nýbakaður faðir, en dóttir hans er 10 mánaða gömul.

Ed sagði við Harry: „Til hamingju, stelpa er það ekki? Við áttum litla stelpu fyrir 10 mánuðum Þú ert enn í skotgröfunum! Hvernig þraukarðu þetta með tvö?“

„Tvö er virkilegt púsluspil,“ sagði Harry þá.

Þegar Harry talaði við annan gest seinna sagði Harry um Lilibet: „Við höfum verið mjög heppin hingað til, hún er mjög slök og virðist ánægð með að sitja bara á meðan Archie hleypur um eins og brjálæðingur.“

Harry er nú í Bretlandi og mun afhjúpun styttu af móður hans sem hefði orðið sextug á morgun, 1. júlí, fara fram í Kensingtonhöll.

Harry kom til landsins síðasta föstudag og var í einangrun í Frogmore Cottage í fimm daga áður en hann lét sjá sig á verðlaunahátíðinni.

Harry og Meghan Markle hafa nú búið í villu í Montecito, Kaliforníuríki í heilt ár núna, en þau sögðu sig frá öllum skyldustörfum tengdum bresku konungsfjölskyldunni.

 

Tók son sinn með í atvinnuviðtal

Tók son sinn með í atvinnuviðtal

Tók son sinn með í atvinnuviðtal

Við tölum oft um erfiðleikana sem stafa að foreldrum oft á tíðum, en hér er eitthvað sem við tölum ekki um nógu oft: Áskoranirnar sem foreldrar þurfa að horfast í augu við þegar leita skal að vinnu.

Barnagæsla er dýr og ef þú ert án vinnu er erfitt (eða ómögulegt) að borga einhverjum fyrir að vera með barnið. Þetta kallar líka á lausnir þegar farið er í atvinnuviðtal og þú áttar þig á að enginn er til að passa barnið. Hvernig á foreldri að tryggja sér vinnu þegar enginn er til að hlaupa í skarðið.

Maggie Mundwiller, „TikTok“ mamma áttaði sig á nákvæmlega þessu á dögunum, en sem betur fór var fyrirtækið sem hún sótti um vinnu hjá alvara með því að hafa fjölskylduvæna menningu á vinnustaðnum!

Maggie segir í myndbandinu að henni hafi verið sagt upp vegna Covid faraldursins. Í leit sinni að vinnu var henni boðið í annað viðtal hjá ónefndu fyrirtæki, en hún fann engan til að passa son sinn Mylo á meðan. Þetta er vandi sem margir foreldrar hafa lent í, en góðu fréttirnar voru þær að henni var sagt að taka Mylo bara með.

Mylo fór í æðisleg jakkaföt, þvoði kerruna sína og bílinn af tilfefninu og fór með mömmu sinni. Hann kom meira að segja með sína eigin ferilskrá! Í henni má finna helstu afrek hans, s.s. að taka af sér sína eigin bleyju og algerlega eyðileggja hreint herbergi á 30 sekúndum.

@314handcrafted

Ever been to a toddler friendly interview? ##companyculture ##toddler ##fyp ##foryourpage ##PrimeDayDealsDance ##toddler ##covidbaby ##job ##interview ##cute

♬ original sound – Cody V.

Þetta er yndislegt á að horfa, en vekur einnig upp margar spurningar. Þarf ekki í alvöru að vera svona vinnustaðamenning á mörgum stöðum? Að taka barnið með í atvinnuviðtal ætti að vera möguleiki þar sem eflaust hafa foreldrar hafnað viðtali þar sem þeir fengu ekki pössun og misst þar af leiðandi af stóru tækifæri. Í raun, að sjá foreldri sinna mörgum hlutum í einu (multitasking), að sinna barninu og fara í gegnum spurningar um reynslu og eiginleika ætti að vera séð sem mjög góður hæfileiki!

 

Svona er dagur í lífi nýbura

Svona er dagur í lífi nýbura

Svona er dagur í lífi nýbura

Fyrstu dagarnir og vikurnar með nýfætt barn geta verið fullar af gleði. En dagarnir eru einnig fylltir af bleyjuskiptum, lúrum, brjóstagjöf/pela og svo spurningum um hvað sé eðlilegt.

Þú ferð að kynnast barninu þínu og lærir á merkin sem það gefur frá sér og hvað virkar best fyrir það. Það eru samt ákveðin atriði sem þú getur búist við og verða þau reifuð hér að neðan.

Að borða

Flestir nýburar vilja borða á 1 ½ til 3 ½ tíma fresti. Rútínan fer eftir því hvort þú gefur barninu brjóst eða þurrmjólk. Brjóstabörnin vilja oftar næringu en pelabörnin, því magar þeirra melta brjóstamjólk hraðar. Það eru margar leiðir til að sjá hvort barnið er svangt. Það gefur frá sér soghljóð eða smella vörum. Þau setja fingur og hendur upp í munn og kannski snúa þau höfðinu í átt að þér og opna munninn ef þú strýkur kinn þess. Börn gráta ef þau eru svöng, en oftast er það síðasta úrræðið.

Reyndu að láta barnið ropa eftir máltíð (HÉR er mjög gott ráð!) . Ef það hættir að borða og sofnar er líklegt það hafi fengið nóg. Ef þau gráta eftir að hafa drukkið er líklegt að þau vilji meira. Hafðu alltaf bleyjuklút nálægt þar sem oft kemur uppúr þeim aftur.

Bleyjur

Nýburar pissa í sex eða fleiri bleyjur á dag og fjórar eða fleiri eru kúkableyjur. Í fyrstu vikunni verður kúkur barnsins þykkur, svartur eða dökkgrænn, kallaður barnabik. Það er eðlilegt þar sem það er efnið í þörmum barnsins meðan það var í leginu. Eftir að það kemst út úr kerfinu verður kúkurinn mjúkur og blautur. Ef þú gefur því brjóst verður kúkurinn ljósgulur, frækenndur. Ef það fær þurrmjólk verður hann harðari og ljósbrúnn eða gulur.

Eftir nokkrar vikur verða hægðirnar færri. Brjóstabörn geta farið niður í eina kúkableyju á viku á meðan pelabörn kúka að minnsta kosti einu sinni á dag.

Grátur

Grátur er algengasta leiðin til að tjá sig, sérstaklega fyrstu dagana. Erfitt getur verið að sjá hvað gráturinn þýðir en þú getur athugað hvort rútínan eða umhverfið sé eitthvað rangt. Ef það eru tveir tímar síðan barnið borðaði er líklegt það sé svangt. Ef það hefur verið vakandi í einn og hálfan tíma er líklegt að það vilji taka blund. Börnum getur einnig leiðst eða þau hafa fengið of mikla örvun.

  • Ef það er ekki tími til að gefa því að borða og það er með þurra bleyju geturðu reynt eftirfarandi:
  • Rugga því í þunnu teppi til að líkja eftir leginu
  • Haltu því upp að brjóstinu og sláðu létt í bakið
  • Rugga því, labba eða hossa því
  • Farið á rólegan stað og sett ljóð af stað, ljúfa tóna eða viftu
  • Bjóða því snuð eða fingurinn til að sjúga

Svefn

Nýfædd börn verða þreytt eftir að hafa verið vakandi í klukkutíma eða tvo. Fyrstu vikurnar mun barnið sofa 16 tíma á dag, oftast í tveggja til fjögurra tíma lotum, allan sólarhringinn. Mörg sofna meðan þau eru með pela eða á brjósti og það er allt í lagi. Geispi, augnlokin hallast, að líta undan og nudda augun eru allt merki um þreytt barn.

Láttu barnið alltaf sofa á bakinu, á þéttu undirlagi, með ekkert annað í vöggunni eða rúminu – bara dýnu með laki.

Í enda fyrsta mánaðarins fara nýburar að sofa í lengri tímabilum. En það verða nokkrir mánuðir þar til regla kemst á.

Leikur

Það eru alltaf tímar á daginn (eða nóttu) þegar barnið er glaðvakandi og til í eitthvað skemmtilegt! Þetta er frábær tími til að tengjast og leika svolítið. Hér eru frábær ráð til að leika við nýbura.

Heimild: WebMd

Unglingar í ofþyngd í meiri hættu að fá sykursýki og hjartaáföll

Unglingar í ofþyngd í meiri hættu að fá sykursýki og hjartaáföll

Unglingar í ofþyngd í meiri hættu að fá sykursýki og hjartaáföll

Ný rannsókn hefur leitt í ljós að of þungir unglingar eru í meiri hættu að þróa með sér sykursýki og fá hjartaáföll á fullorðinsárum. Offita barna er afar algeng í Bandaríkjunum og um hinn vestræna heim og það endar ekki þegar barnið verður að unglingi.

Unglingar sem eru í ofþyngd eiga í margvíslegum vandræðum, frá einelti til líkamlegra vandkvæða og foreldrar geta haft af þeim miklar áhyggjur. Táningar eru á þeim stað í lífinu þar sem þeir reyna að aðskilja sig frá foreldrum sínum, en foreldrar þeirra eru enn áhyggjufullir vegna heilsu þeirra og vilja reyna að hafa áhrif á útkomuna af ákvörðunum þeirra.

Samkvæmt Study Finds var niðurstaða rannsókna þeirra að unglingar í ofþyngd eru í mun meiri hættu en aðrir að þróa með sér stærri heilsufarsvanda þegar þeir eldast. Rannsóknin var framkvæmd af American College of Cardiology og má lesa hana alla HÉR.

Rannsakendur komust að því að unglingar með hátt BMI (Body Mass Index) eru líklegri til að þróa með sér hjartavandamál og sykursýki þegar þeir verða fullorðnir. Það sem var ógnvekjandi var einnig ef BMI þessara unglinga lækkaði þegar þeir urðu fullorðnir var samt enn mikil hætta fyrir hendi að fá sykursýki (II) og hjartaáföll.

Þetta þýðir að forvarnir eru afar nauðsynlegar táningum og fjölskyldum þeirra. Það er mjög mikilvægt fyrir fjölskyldur að hafa stuðningsnet og úrræði þegar kemur að því að borða hollt og lifa „aktífum“ lífsstíl.

12.300 unglingar voru skoðaðir í rannsókninni og var fylgst með þeim í 24 ár. Í byrjun rannsóknar voru unglingarnir milli 11-18 ára gamlir. Niðurstöðurnar sýndu að hátt BMI sýndi 2,6 hækkun á slæmri heilsu. Það var 8,8% líklegra að þessir einstaklingar fengju sykursýki II og 0,8% líkur á hjartaáföllum.

Þetta er fyrsta rannsókn sinnar tegundar að tengja þyngd barna við slæma heilsu á fullorðinsárum. Dr. Jason Nagata stýrði rannsókninni og sagði hann að þessar upplýsingar væru afar mikilvægar til að skilja hjarta- og æðasjúkdóma og þróun þeirra. Þessar niðurstöður ættu að hvetja lækna og heilbrigðisstarfsfólk til að nota BMI sögu einstaklingsins til að dæma um áhættu sjúklings á krónískum sjúkdómum.

Það er mikilvægt að taka með í reikningnn að þegar einstaklingur verður of þungur, hversu lengi hann er með hátt BMI, því það getur leitt til insúlínmótstöðu og hjartavanda.

 

Pin It on Pinterest