Að þróa skilningarvit barnsins í gegnum leik

Að þróa skilningarvit barnsins í gegnum leik

Að þróa skilningarvit barnsins í gegnum leik

Leiktími býður upp á frábær tækifæri til að hvetja þróun skilningarvita barnsins, s.s. með lykt, snertingu, heyrn, sjón og bragði. Þú getur jafnvel hjálpað barninu að nota þessi skilningarvit til að auka andlega og líkamlega heilsu þess.

Hversu oft ætti ég að hafa leiktíma með barninu mínu?

Ekki hafa áhyggjur af því að skipuleggja leiktíma með barninu á hverjum degi. Ef barnið sýnist rólegt og þú nærð augnsambandi við það, það hreyfir fætur og hendur og gefur frá sér hljóð er það mjög líklega tilbúið til að leika!

Þetta gerist oftar þegar barnið er satt og búið að hvíla sig. Með tímanum lærirðu að lesa í merkin sem barnið gefur frá sér en ekki hafa áhyggjur þó það gerist ekki strax, þið eruð enn að læra á hvort annað.

Hvaða leikir og athafnir geta aukið þroska barnsins míns?

Sjón

Þrátt fyrir að sjón nýburans sé óskýr umfram 30 cm eða svo getur barnið farið að læra á útlínur andlits þíns. Leyfðu barninu að velta andlitinu þínu fyrir sér í leiktíma. Að horfaáandlitssvipi þína og hvernig þeir breytast spilar stórt hlutverk í þróun félagsfærni barnsins. Milli tveggja og fjögurra mánaða fer barnið að mynda augnsamband við þig. Viðbrögð þín við litlu merkjunum sem barnið gefur frá sér lætur það auka skynjun þess á sjálfu sér og hjálpar ykkur tveimur að mynda tengsl.

Annað sem gerist á þessum fyrstu mánuðum er að höfuð og augnhreyfingar fara að vera í takt. Þetta ýtir undir að barnið sér hluti á hreyfingu og skilur hvernig þeir tengjast öðrum hlutum í kringum þá. Þú getur hjálpað barninu að þróa þennan hæfileika með því að færa leikfang hægt framhjá sjónsviði þess og hvetja það til að fylgjast með.

Leikir – nýfædd börn til þriggja mánaða

Snerting

Frá um fimm mánaða aldri getur barnið farið að teygja sig í hluti. Þú getur hvatt líkamlegan þroska þess með því að setja leikfang þar sem barnið sér það en getur ekki alveg náð því. Sjáðu hvernig það teygir sig, rúllar og mjakar sér í áttina að því. Að hengja hringlu eða álíka þar sem barnið getur sparkað í það kennir því einnig orsök og afleiðingu.

Heyrn

Þegar þú talar við barnið þitt, gefðu því tækifæri á að „svara“ svo sem með brosi, hlátri eða hljóðum. Þegar barnið svarar, svaraðu aftur. Þetta sýnir áhuga á því sem barnið „segir“ og hvetur málþroskann og skilning.

Að babla og hlæja með barninu er einnig gott fyrir þig. Þessi samskipti auka oxýtósínframleiðslu og býr til enn nánana samband milli barns og foreldris.

Hversu mikinn tíma á ég að taka í að einbeita mér að barninu?

Barnið getur ekki veitt einhverju einu athygli í einu eins og eldra barn eða fullorðinn. Barnið getur fljótt orðið þreytt á mikilli örvun. Lærðu að lesa í táknin sem segja að barnið sé orðið þreytt:

  • Nuddar augun
  • Lítur í aðra átt
  • Óróleiki, grátur
  • Reisir bakið
  • Lokar augunum eða sofnar

Þegar þú telur að barnið hafi fengið nóg skaltu gefa því pásu og taka leikföngin í burtu og taktu það í fangið eða syngdu fyrir það. Ef það virðist þreytt, settu það í rúmið

Ætti ég að fara á mömmu- eða barnahittinga?

Þú ert fyrsti leikfélagi barnsins þíns og það gefur því heilmikla örvun fyrstu mánuðina. Allt sem þið gerið saman – knúsist, grettið ykkur, talið, syngið, lesa sögur og skoðið ýmis leikföng og hluti – allt þetta veitir barninu þínu mikla örvun.

Eftir því sem barnið eldist gætirðu íhugað að fara þar sem þið hittið önnur börn. Þrátt fyrir að börn fari í raun ekki að leika við önnur börn fyrr en um eins og hálfs árs aldurinn getur slíkt samt haft sína kosti.

Ein rannsókn skoðaði sex mánaða börn sem fóru í tónlistartíma einu sinni í viku sem snerist um söngva og að leika á hljóðfæri. Þessi börn höfðu betri skilning á tónlist og þróuðu snemma með sér samskiptahæfileika, miðað við samanburðarhópinn, en þau börn hlustuðu einungis á tónlist á meðan þau léku sér með leikföng.

Að hittast með börnin getur verið frábær leið að hitta aðra foreldra og að finna framtíðarleikfélaga fyrir barnið þitt. Það er líka frábært að komast út úr húsi og skipta um umhverfi. Ef þú ert glaðari og hressari, ertu líka betri félagsskapur fyrir barnið þitt!

Heimild: Babycenter.com 

Einfaldir hollustubitar fyrir sælkera

Einfaldir hollustubitar fyrir sælkera

Einfaldir hollustubitar fyrir sælkera

Mig langaði að deila með ykkur þessari uppskrift að hollustubitum, ég fór að hitta vinkonu um daginn og þá var þessi dásemd á boðstólnum. Ég fékk að sjálfsögðu uppskrift og nesti heim. Ykkur að segja var gotteríið jafnvel betra daginn eftir þegar það var búin að standa sólarhring inní ísskáp. Vinkona mín bar þessa uppskrift  fram í litlu eldfastmóti og bauð uppá þeyttan rjóma með. Þannig er hægt að bera hana fram bæði sem köku eða konfektmola sem er tilvalið að frysta og grípa í þegar hellist yfir mann nammilöngun.

Heilsukonfekt fyrir sælkera

  • 1 bolli sveskjur.
  • 1 bolli döðlur.
  • 1 bolli kókosflögur.
  • 1 poki valhnetur.
  • 1 vel þroskaður banani.
  • 100 gr. 70-85% lífrænt súkkulaði.
  1. Sveskjurnar og döðlurnar eru hitaðar í potti með smá vatni.
  2. Kókosflögurnar og valhneturnar eru létt “steiktar” á pönnu.
  3. Bananinn er stappaður og öllum hráefnunum er blandað saman í skál.
  4. Þar næst er blöndunni hellt í eldfastmót eða búnar til kúlur sem er raðað á ofnplötu.
  5. Súkkulaðið er brætt í vatnsbaði og hellt yfir blönduna, ef þú býrð til kúlur er gott að dýfa þeim í súkkulaðið.
  6. Kælt í ísskáp í ca 20 mínútur.

Njótið!

 

 

Skordýrafælni barna: Hvað er til ráða?

Skordýrafælni barna: Hvað er til ráða?

Skordýrafælni barna: Hvað er til ráða?

Allir hræðast eitthvað. Það er algerlega eðlilegt fyrir börn – frá smábörnum til táninga – að vera hrædd við eitthvað. Hræðsla myndast á ákveðnum tímapunktum í þroskanum, þannig auðvelt er að spá fyrir um hvað börn geta hræðst á ákveðnum aldri.

Það kemur ekki á óvart að mörgum börnum (og fullorðnum reyndar líka) líkar ekki við skordýr. Þegar okkur bregður við, hugsum við ekki um hvaða hlutverki köngulær eða skordýr gegna í umhverfinu. Þess í stað eru þessi litlu kvikindi oftast óvelkomin og geta framkallað allskonar viðbrögð, frá öskrum til gráturs.

Hvað gerist samt þegar þessi litlu dýr valda meira en bara litlum viðbrögðum?

Þegar einhver hefur ótta við eitthvað sérstakt og það hefur áhrif á daglegt líf, getur það verið fælni. Þessi ótti er semsagt eitthvað meira en ætlast mætti til í aðstæðunum. Barn sem hefur skordýrafælni, ótta við pöddur eða köngulær kann að forðast algerlega aðstæður sem það gæti séð eða hitt slíkt dýr, eða orðið skelfingu lostið í návist þeirra. Það vill oft verða svo að þegar fólk er haldið slíkri fælni, skannar það oft umhverfi sitt til að athuga hvort það finnur sökudólginn, og oft finnur það einmitt hann.

Ef þú ert að hugsa: „Hverjum líkar við skordýr- og er þetta í raun vandamál?“ er það í raun rétt spurning. Fullt af krökkum líkar ekki við geitunga eða flugur, til dæmis, en geta samt leikið sér úti eða farið í tjaldferðalag, þau hreinlega færa sig ef þau sjá þetta tiltekna skordýr. Það kann að vera að þau komist í uppnám, en um leið og dýrið er farið, heldur barnið áfram að leika sér eða heldur áfram því sem það var að gera. Það hugsar ekki um það mikið á eftir heldur.

Börn sem haldin eru fælni stjórnast hinsvegar af þessum ótta og heimur þeirra minnkar. Til dæmis gæti barn sem haldið er fælni við pöddur ekki getað farið í tjaldferðalag, eða veigrar sér við að fara út að leika. Slík fælni getur sett allt á annan endann í fjölskyldunni, til dæmis ef ræða þarf það í þaula að fjölskyldan ætli í sumarbústað eða tjaldvagninn og eitt barnið er algerlega sannfært um að þar muni pöddur vera og neitar algerlega að fara. Eða brotnar alveg niður þegar mætt er á staðinn.

The National Institute of Mental Health áætlar að 5-12% Bandaríkjamanna séu haldnir einhverskonar fælni, og 7-9% barna hafi ákveðna fælni, s.s. við dýr, blóð, veður eða eitthvað sem tengist vatni, en þetta þróast allt á unga aldri. Lofthræðsla og annað þróast oft síðar meir á lífsleiðinni.

Líkt og með kvíða styrkir forðun óttann. Því meira sem barn forðast pöddur eða kringumstæður þar sem það gæti séð þær, því minna kvíðið verður það – og það er algerlega rökrétt. Hinsvegar, þegar slíkt gerist missir barnið af tækifæri til að læra í raun hvernig það getur höndlað kringumstæðurnar. Þegar um geitung er að ræða, flýr barnið eða foreldrið verndar það og barnið þarf ekki að höndla ástandið. Ef svo ólíklega vildi til að geitungurinn myndi stinga barnið, yrði í lagi með það (ef það er ekki með ofnæmi).

Ef foreldri myndi athuga baðherbergið á hverjum degi til að athuga hvort þar leyndust pöddur myndi barnið finnast það öruggt, en það myndi senda þau skilaboð að í hvert einasta skipti þyrfti foreldrið að vera með barninu og það ýtir undir kvíðann.

Hvað ætti foreldri að gera?

  • Viðurkenndu óttann
  • Sýndu hvernig á að höndla kringumstæðurnar án kvíða
  • Hjálpaðu barninu að horfast í augu við óttann
  • Breyttu til smátt og smátt

Að viðurkenna óttann

Þetta er mjög mikilvægt þegar kemur að fælni því barnið er oftast mun óttaslegnara en foreldrið. Það er auðvelt að segja: „Hún er svo lítil!“ eða „Hafðu ekki áhyggjur af þessu,“ en betra er að láta barnið vita að þú sjáir hversu hrætt það er og skiljir að þetta sé erfitt fyrir það. Segðu: „Ég veit að fljúgandi skordýr hræða þig mikið,“ hjálpar barninu.

Að höndla kringumstæðurnar

Börnin þín fylgjast með þér, þó þú áttir þig kannski ekki á því. Börn sjá foreldrana sem fyrirmyndir og það er mikilvægt að þú leiðir með dæmum. Leitaðu að tækifærum til að sýna hvernig þú bregst við. M.ö.o. ef eitthvað hendir þig sem veldur þér kvíða, láttu barnið vita: „Ég verð að viðurkenna að ég var hrædd/ur um að flensusprautan myndi meiða mig. Svo var þetta bara miklu minna mál en ég hélt.“ Vertu hreinskilin/n og áttaðu þig á að þegar þú deilir slíku með barninu gefur það góða mynd af því hvernig höndla eigi ótta á réttan hátt.

Hjálpaðu barninu að horfast í augu við óttann

Við getum óafvitandi styrkt forðun. Þ.e.a.s. við hjálpum oft börnunum okkar að forðast það sem hræðir þau, og það gerir óttann sterkari. Í stað þess að kjósa borð inni þar sem engin skordýr kunna að vera, veldu borð við gluggann eða úti og segðu: „Ég veit þetta er erfitt, en ég veit þú getur þetta.“

Gerðu breytingar smátt og smátt

Ef barnið þitt hefur átt við mikinn ótta í marga mánuði eða ár, er ekki líklegt að það höndli þriggja daga útilegu úti í náttúrunni. Einnig, ef þú hefur leitað að skordýrum fyrir barnið á hverjum degi geturðu ekki hætt því án áætlunar. Byrjaðu á smáum skrefum. Stundum bara að tala um skordýr eða skoða myndbönd er góð byrjun. Að fara í 10 mínútna göngu í garði er svo frábært næsta skref. Æfing, æfing, æfing.

Það tekur mikla æfingu að gera eitthvað sem maður hefur áður forðast – barnið þarf mikla nánd til að komast yfir óttann. Það þarf að búa til kringumstæður til að horfast í augu við óttann og þola hann. Barnið þarf ekki að elska skordýr, en það þarf að fá æfingu í hvernig það er að vera nálægt þeim án þessara sterku viðbragða sem það hafði áður. Ef þessi ráð duga ekki og ótti barnsins er farinn að hamla ýmsu, s.s. útiveru eða ferðalögum er ráð að leita til fagmanna. Það eru til meðferðir til að höndla óttann og það er mikilvægt að bregðast fljótt við til að lífsgæði barnsins (og fjölskyldunnar) fari ekki dvínandi.

Konur athugið: Að borða súkkulaði í morgunmat hjálpar til við fitubrennslu!

Konur athugið: Að borða súkkulaði í morgunmat hjálpar til við fitubrennslu!

Konur athugið: Að borða súkkulaði í morgunmat hjálpar til við fitubrennslu!

Nú eru morgnarnir orðnir sætari, því ný rannsókn segir að borða súkkulaði á morgnana getur í raun hjálpað til við fitubrennslu og kemur reglu á blóðsykurinn.

Morgunmaturinn hefur löngum verið viðurkenndur sem mikilvægasta máltíð dagsins og mömmur reyna alltaf að hefja daginn rétt. Hún passar upp á að börnin fái góðan morgunmat til að styðja við heilsu þeirra og uppvöxt, og kannski fær hún sér morgunmat sjálf og kannski ekki. Þær sem laumast í eitthvað sætt á morgnana þurfa ekki lengur að fá samviskubit því samkvæmt

Study Finds segir ný rannsókn að fá sér súkkulaði rétt eftir að maður vaknar hjálpi til við að koma reglu á blóðsykurinn og brenni fitu. Kvennaspítalinn í Brigham rannsakaði málið og má lesa allar niðurstöðurnar HÉR. 

Til að vera enn nákvæmari fundu rannsakendur út að borða súkkulaði á ákveðnum tíma á morgnana getur hjálpað heilsu kvenna. 19 konur voru rannsakaðar sem innbyrtu 100 gr af súkkulaði innan klukkustundar eftir að þær vöknuðu á morgnana. Svo var heilsa þeirra og þyngd mæld og annar hópur hafður til samanburðar sem ekki fékk neitt súkkulaði. Niðurstöðurnar sýndu að þær sem borðuðu súkkulaðið á morgnana þyngdust ekki meira en þær sem ekki borðuðu súkkulaði.

Niðurstöðurnar voru einnig þær að súkkulaðiátið getur haft áhrif á matarlyst, þarmaflóruna og svefngæði. Það hjálpaði við að koma brennslunni í gang og jók fitubrennslu yfir daginn. Einnig lækkaði það glúkósamagn í blóði.

Yfir höfuð var súkkulaðiátið talið jákvætt heilsu kvenna og jók orku þeirra í gegnum daginn.

Rétt er að taka fram að konurnar fengu sér aðeins 100 grömm af súkkulaði, ekki meira. Kannski mætti fá sér súkkulaðimorgunkorn, eða heitt súkkulaði í stað kaffis. Hvort sem er hljóta þetta að vera góðar fréttir fyrir þær mömmur þarna úti sem þurfa smá auka orku!

Heimild: Moms.com 

Unglingar í ofþyngd í meiri hættu að fá sykursýki og hjartaáföll

Unglingar í ofþyngd í meiri hættu að fá sykursýki og hjartaáföll

Unglingar í ofþyngd í meiri hættu að fá sykursýki og hjartaáföll

Ný rannsókn hefur leitt í ljós að of þungir unglingar eru í meiri hættu að þróa með sér sykursýki og fá hjartaáföll á fullorðinsárum. Offita barna er afar algeng í Bandaríkjunum og um hinn vestræna heim og það endar ekki þegar barnið verður að unglingi.

Unglingar sem eru í ofþyngd eiga í margvíslegum vandræðum, frá einelti til líkamlegra vandkvæða og foreldrar geta haft af þeim miklar áhyggjur. Táningar eru á þeim stað í lífinu þar sem þeir reyna að aðskilja sig frá foreldrum sínum, en foreldrar þeirra eru enn áhyggjufullir vegna heilsu þeirra og vilja reyna að hafa áhrif á útkomuna af ákvörðunum þeirra.

Samkvæmt Study Finds var niðurstaða rannsókna þeirra að unglingar í ofþyngd eru í mun meiri hættu en aðrir að þróa með sér stærri heilsufarsvanda þegar þeir eldast. Rannsóknin var framkvæmd af American College of Cardiology og má lesa hana alla HÉR.

Rannsakendur komust að því að unglingar með hátt BMI (Body Mass Index) eru líklegri til að þróa með sér hjartavandamál og sykursýki þegar þeir verða fullorðnir. Það sem var ógnvekjandi var einnig ef BMI þessara unglinga lækkaði þegar þeir urðu fullorðnir var samt enn mikil hætta fyrir hendi að fá sykursýki (II) og hjartaáföll.

Þetta þýðir að forvarnir eru afar nauðsynlegar táningum og fjölskyldum þeirra. Það er mjög mikilvægt fyrir fjölskyldur að hafa stuðningsnet og úrræði þegar kemur að því að borða hollt og lifa „aktífum“ lífsstíl.

12.300 unglingar voru skoðaðir í rannsókninni og var fylgst með þeim í 24 ár. Í byrjun rannsóknar voru unglingarnir milli 11-18 ára gamlir. Niðurstöðurnar sýndu að hátt BMI sýndi 2,6 hækkun á slæmri heilsu. Það var 8,8% líklegra að þessir einstaklingar fengju sykursýki II og 0,8% líkur á hjartaáföllum.

Þetta er fyrsta rannsókn sinnar tegundar að tengja þyngd barna við slæma heilsu á fullorðinsárum. Dr. Jason Nagata stýrði rannsókninni og sagði hann að þessar upplýsingar væru afar mikilvægar til að skilja hjarta- og æðasjúkdóma og þróun þeirra. Þessar niðurstöður ættu að hvetja lækna og heilbrigðisstarfsfólk til að nota BMI sögu einstaklingsins til að dæma um áhættu sjúklings á krónískum sjúkdómum.

Það er mikilvægt að taka með í reikningnn að þegar einstaklingur verður of þungur, hversu lengi hann er með hátt BMI, því það getur leitt til insúlínmótstöðu og hjartavanda.

 

Þurfa börn að taka vítamín?

Þurfa börn að taka vítamín?

Þurfa börn að taka vítamín?

Nú er mikið í tísku að gefa börnum vítamín, t.d. í formi gúmmís. En er raunverulega þörf á því?

Sérfræðingar eru sammála að það sé ekki alltaf nauðsynlegt. Best væri auðvitað að krakkar fengju allt sem þau þarfnast frá heilsbrigðu mataræði s.s.:

Mjólkurvörum, s.s. osti og jógúrt

Fullt af ferskum ávöxtum og grænmeti

Prótein s.s. kjúkling, fiski, kjöti og eggjum

Trefjum s.s. höfrum og brúnum hrísgrjónum

Hvaða börn þurfa að taka vítamín?

Eins og við vitum eru foreldrar og börn oft upptekin og ekki alltaf hægt að hafa vel útilátinn mat tvisvar á dag með öllu sem þau þarfnast. Það er ástæðan fyrir að barnalæknar mæla stundum með fjölvítamínum eða steinefnum fyrir börn sem:

Borða ekki reglulega fjölbreytta fæðu gerða frá grunni

Dyntótt börn sem bara borða ekki nógu mikið

Börn með króníska sjúkdóma s.s. astma eða meltingarvanda, sérstaklega ef þau þurfa að taka lyf (talaðu samt við lækninn þinn áður en þú gefur barninu auka vítamín eða steinefni

Börn sem eru grænmetisætur eða vegan (þau gætu þurft auka járn) eða borða ekki mjólkurvörur (gætu þurft auka kalk)

Börn sem drekka mikið af gosi

Stórir skammtar af allskonar vítamínum eru ekki góðir fyrir börn. Fituleysanleg vítamín (A, D, E og K) geta verið eitruð ef börn fá of mikið af þeim. Líka af járni.

Hér er góður leiðarvísir fyrir mat og næringarefnin sem hann inniheldur.

Ef þú gefur börnunum þínum vítamín eru hér góð ráð:

Ekki geyma vítamínin þar sem börnin sjá þau, svo þau freistist ekki til að borða þau eins og sælgæti.

Reyndu vítamín sem barnið getur tuggið ef það vill ekki taka töflur

Bíddu þar til barnið er fjögurra ára til að taka fjölvítamín, nema læknirinn ráðleggi annað

 

Heimild: WebMd

Pin It on Pinterest